πππππ πππ¬ππ‘, πππππ π£ππ-ππ¦π
Itay bigat, inatendarak ti programa nga indauluan ti City Social Welfare and Development Office a Balik Bayan, Balik Pag-asa: Orientation on Government Reintegration Programs, Financial Literacy, Entrepreneurship, Livelihood and Skills Development Programs cum Forum on RA 9208 or Anti-Trafficking in Persons Act of 2003. Napintas daytoy a programa tapno maikkan ti oportunidad dagiti kailiantayo nga OFWs a nakapagdesisyonen nga agtalinaed ditoy siudad tayo kadua da ti pamiliyadan. Kasta met a naikkan da ti Financial Awareness a mangtarabay kanyada a mangirugi ti negosyoda. Agtultuloy iti suportatayo para kadagiti OFW a kailiantayo kas parte tay bisyontayo nga ALISTO, ASENSO, PROGRESO para iti siudadtayo. Saanen a masapol nga umadayo ni LaoageΓ±o tapno makapagsapol, ta adda mismo ditoyen ti adu nga oportunidad ken pagsapulanen.
ππππππππ πππ ππππππππππ π ππππππππππ
Dakkel a pakaidayawan ti gobierno siudad ken tunggal LaoagueΓ±o dagiti nagun-od a pammadayaw, mangipaneknek ti agtultuloy nga awan sardayna a serbisyo.
πππ§ππ₯π¨π‘πππ‘π π£ππ πππ₯ππ‘πππ¬ πͺπ’π₯ππ¦ππ’π£
Kas panangsuporta tayo kadagiti barangay, napantayo inatendaran ti Katarungang Pambarangay Workshop a naangay itay bigat. Daytoy a programa nga indauluan ti Department of the Interior and Local Government (DILG) ket gagem na a masursuruan dagiti miyembro ti Lupon Tagapamayapa ti husto a panangtakem da ti responsibilidadda a mangipatungpal ti pagsayaatan ti amin a bumarangay. Pagyamanak dagiti lupon tayo ti amin a barangay ta dakayo apo ti katulunganmi nga mangitag-ay ti kinalinak ken kinatalged ti siudadtayo.
Public Hearing on Fisheries Code
Napantayo inatendaran ti public hearing para ti pannakaamienda ti Fisheries Code tayo. Indauluan daytoy ni apo Konsehal Justine Chua kas Committee Chairperson on Agriculture. Daytoy nga public hearing ket nasisita tapno maiparuk-at dagiti linteg a dapat suruten dagiti manggalaptayo. Kasta pay tapno maikkan da ti naan-anay a seguridad ken proteksiyon nga maiyannatop kadagiti addan a linteg nga ipatpatungpal dagiti national agencies kas ti Marine Police ken ti Coast Guard.
πππππ πππ πππππ πππππππ
Kinataripnongtayo dagiti kameng ti PNP, BFP, CDRRMC ken dadduma pay nga miyembros ti Peace and Order ti siudad tapno mapaigetan ti seguridad ditoy nangnangruna kadagiti pampubliko a luglugar. Addada report ti naglabas nga al-aldaw nga adda da insidente ti pannaka iserrek kadagiti armas kadagiti lugar a pampubliko nu sadinnu ket naiget a maiparit ti kakastoy nga insidente. Dagus nga kinasarita tayo dagiti otoridad tapno malawlawagan ti napasamak ken mas mapaigetan ti panagridam ti amin kadagitoy nga karit ti seguridad ken kinalinak ti siudad tayo. Kitkitaentayo dagiti mabalintayo pay nga ubraen tapno masigurado tayo ti kinatalged ti amin nga lugar ti siudad tayo.